شفنا الزخم بتاع امبارح وكل الناس بتتفرج علي نهائي دوري الابطال أو اللي كان بيحصل في كاس الامم الأفريقية أو كاس العالم.
ليه بقي الناس بتحب لعبة الجلد المنفوخ دي؟
بمعني أن الستات بتستغرب ان الراجل ممكن يقعد يتفرج علي ماتشين ورا بعض لمدة 4 ساعات وهو مستمتع بدون أي ملل وممكن ميستحملش يقعد يتفرج 5 دقايق علي مسلسل أو حتي يعمل سلطة :v
الأسباب كتيرة وتتلخص في نقط بسيطة:
1- الكورة متعة ورفاهية في حد ذاتها لللتحول وكسر الروتين اليومي الكئيب فهي مليئة بالغثارة والعروض الجميلة وتقلب المزاج تبعا لسير المباراة.
(شوف نفسك كده هتلاقي انك في اليوم اللي مستني فيه ماتش مهم بتستحمل الشغل اليوم ده عشان الماتش غير الايام العادية).
2-اللعب الجماعي بيقوي الصلة والروابط بين الذكور أكتر من أي شئ أخر وهتلاحظها بنفسك الفرق اللي لاعبيها متحابيين حتي لو مستواهم أقل بيؤدي أفضل من فريق أعلي فنيا لكن غير متواصلين مع بعض.
(هتلاقي نفسك بتحب أصحابك اللي بتلعب معاهم كورة حتي لو علاقتك بيهم سطحية)
3-الكورة تمتص الدوافع العدوانية للشخص وتخليه يفرغها علي دماغ السيد حمدي أو أحمد جعفر :v
(المصطلحات الكروية مشابه جدا لمصطلحات المعارك الحربية زي
موقعة مدريد-هجمة مرتدة-قذيفة صاروجية-تصويبة رأسية-شوطة قنبلة-أحتكاك هوائي-مربع المعمليات إلخ)
عموما الذكور بيحبوا الحروب والتكيكات وخطط الحرب وده بيتشابه مع كورة القدم جدا لأنهم بيعشقوا الكلام عن خطط وتكيكات المدربين ويحبوا حوارات خدع المدربين بلاعب هيلعب لأول مرة أو تغير في الخطة في اخر وقت.
الشعور بالامان لما العدو (الفريق المنافس)يكون بعيد عن الهجوم عليك والعكس لما يهاجمك.
4-الفوز والخسارة في كرة القدم ليست مسألة ابدية (إلا في حالة نادي الزمالك) فريقك المفضل كسب النهارده وتعيش أقصي حالات الفرحة ممكن يخسر بعد إسبوع عادي وتعيش في كابة وهنا بتكمن الإثارة لا يوجد يقين بأن فريقك سيفوز علي طول الخط أو سيخسر دائما.
(بتظهر مصطلحات زي مباراة العمر وعادي ممكن تخسر السنة وتلعب مباراة عمر السنة الجاية وتكسبها :v)
5-الكورة بتقوي السلوك الإجتماعي ودي نقطة بتلمس عند الكل
(ساعات بتقعد مع ناس ومش لاقي موضوع تفتحه بتتكلم في الكورة والأهلي مش عارف هيلاعب مين ولو كسب هيبقي كام نقطة والزمالك لو إتعادل الماتش الجاي هيصعد ولا لأ فبيكون مجال لفتح حوارات طويلة لكسر الملل)
6-الكرة بتعطي الذكور شعور بالتفوق علي العنصر النسائي (فالنساء لاتجيد كرة القدم ولاتفهمها بعمق كنظرائها من الذكور لذلك فالإعلانات موجهة للذكور أكثر زي الكحوليات مثلا)
7-الكرة بتعمق إحساس الإنتماء بقوة (شوف شعور المصريين ساعة مباريات المنتخب المصري وقارنها بأي وقت تاني)
(لو فريقك كسب بيزيد ارتباطك بيه والحمد لله فريقنا كسب البطولة مبروك علينا ونتشارك الفرحة مع مشجعين نفس الفريق
ولو خسر بيزيد الإنتماء وسنظل أوفياء والكلام ده.
8-الكورة بتفصلك عن واقع الحياة والشغل والتفكير في المستقبل وتحمل المسئولية وبتديك ساعتين ترجع فيهم بإنفعالات طفل في 3 إبتدائي وتفصل فيهم نفسك عن متاعب الحياة وكثرة التفكير.
9-الكورة دواء رخيص لتحسين الحالة المزاجية وإزالة ضغوط الحياة العصبية اليومية
(طبعا بعد ظهور الجزيرة معادش دواء رخيص أثلا :v
#الكورة_والجماهير #حب_الكورة #لماذا_نعشق_كرة_القدم